Li gorî AFP’ê, dizan şeş kulçeyên zêr ji beşa "antîkên klasîk" a Muzexaneya Neteweyî ya Şamê dizîn û reviyan.

Muzeya ku yek ji saziyên çandî yên herî girîng ên welêt e û berhemên dîrokî yên serdema Yewnanî, Romayî û Bîzansî lê hene, piştî bûyerê ji ber sedemên ewlehiyê bi demkî hate girtin.

Piştî bûyerê hin karmend û peywirê ewlehiyê di çarçoveyê lêpirsînê de hatin binçavkirin û piştre hatin berdan.

Di dema şerê navxweyî de, gelek muze û deverên dîrokî yên li Sûriyeyê hatin talankirin û gelek berhemên dîrokî derxistine dervî welêt û firotine torên qaçax ên navneteweyî.